د/عمر عبد الجواد عبد العزيز
حتي الحمار شايل الهم
و من التعب حالته تغم
بيخبط دماغه في الحيط
و لا حد بيه ....... يهتم
حتي الحمار شايل الهم
لا قادر عن حاله يحكي
و لا عارف حتي يبكي
و الدمعة في عينه تشكي
.................لحجر أصم
حتي الحمار شايل الهم
الأكل عنه .......ممنوع
و صابه الهوان و الجوع
و صاحبه أكيد موجوع
و لأٔكله مش قادر يلم
حتي الحمار شايل الهم
اسعار الأكل ... بقت نار
من غلة ل تبن لخضار
و العلف إحتكروه التجار
و الغلا علي. الكل يعم
حتي الحمار شايل الهم
الفول ........ أصبح غالي
و الجيب من العملة خالي
اشكي لمين حالك و حالي
و الفقير ...... طفح الدم
حتي الحمار شايل الهم
★★★★★★★★★★