د/عمر عبد الجواد
و العلف أصبح ترف
الجاموسة عايزة تاكل
و الهم عليا إتحدف
أجيب منين علف ؟؟
إيه يا ناس اللي جرا
لا فيه بيع و لا فيه شرا
ايه اللي رجعنا ورا
و الناس حالها وقف
أجيب منين علف ؟؟
الأرض من المرعي خفت
و المية في الترعة جفت
و بواقي التبن ما كفت
و الكل حواليا عرف
أجيب منين علف ؟؟
لو حد يعرف يقوللي
وانا بلف و دور تمللي
و أٔداري دمعتي و ذُللي
عن الجيران و الخلف
أجيب منين علف ؟؟
الجاموسة قايمة بواجبها
نحلب و نشرب لبنها
زبدة و جبنة من خيرها
و مش لاقي ...ليها علف
و لا طايل حتي أستلف
أجيب منين علف ؟؟
★★★★★★★★★