كلمات الشاعر محمد عبد العزيز رمضان
يا سنين العمر هدي
وكفاية كمان بعاد
كان نفسي وكان بودي
تفضل للقلب زاد
ويا دنيا ليه تهدي
فرحي قبل المعاد
كان كل حاجة عندي
نور عيني والفؤاد
مش راضية ليه تردي
غاوية ليه العناد
لما أرخي ليه تشدي
ترميني في كل واد
لطريقي كتير تسدي
قسوة وطول البعاد
يا سنين العمر طولي
أنا عايش في الضياع
ويا ليل خفف حمولي
ما تزودتشي المتاع
دول ياما كتير قالولي
مش هنقولك وداع
لو عاوزين يرجعولي
مش هرجع للي باع
يا سنين بس وكفاية
قلبه هو اللي خان
باعني وكتب النهاية
وعليه الحب هان
كانت أجمل حكاية
راحت راح الأمان
نفسي تكون البداية
واتقفلت البيبان
قاللي هيكون معايه
وهيسقيني الحنان
لكن طلعت رواية
قصة مالهاش مكان
يا سنين العمر عودي
وانسي كل اللي فات
أنا راح هوفي بوعودي
وامسح دمع وآهات
واروي بستان ورودي
مش هقبل بالسكات
بكرا هتقبل وجودي
وهيرجع حلم مات