د/عمر عبد الجواد عبد العزيز
كلمة منك تسعد روحي
تطمن قلبي وتداوي جروحي
ياريتك و لو مرة يا روحي
بحبك ليا..... تبوحي
كلمة منك تسعد روحي
ليه كل كلامك ألغاز ؟؟
و انتي و قلبي عليا عزاز
ما هو قلبي ليكي بينحاز
و ف بُعدك
أوتار القلب... بتنوحي
كلمة منك تسعد روحي
كلمة منك تزرع بذرة
في القلب ترويها بنظرة
تطرح بحبك زهرة
و بعطره علي الدنيا تفوحي
كلمة منك تسعد روحي
كلمة منك بتزيد دقة
في القلب و تملاه. رقة
و تطفي. نار و حرقة
علي الفرقة و تداوي جروحي
كلمة منك تسعد روحي
كلمة واحدة كفاية
فيها سعدي و هنايا
تنسيني همي و أسايا
وف حياتي يزيد طموحي
كلمة منك تسعد روحي
الكلمة منك غنوة
فيها. دلال و معني
تطرب قلبي و يستغني
عن كل الدنيا و معاكي
.......وين ما تروحي
كلمة منك تسعد روحي
★★★★★★★★★★