عزه موسى السعدنى مصر
خمسين سنة عندي أمل
يطلع نهار مايكنشي
آخرة ليل جبان
ميهمنيش أن فات كمان
زيهم ولا ينحني ضهري
ويشرب مرهم
ولا ذلهم جوه مواسم
عمرنا
هيغيرو معني الكلام
ولو ضربتي قدهم
وطرحتي عمري منهم
جايز دموعي تقولهم
الصبر مايهدش حيطان
وانا مش جبان
ممكن تكون كبوة حصان
هتمر ويعدي الزمن
والكسر لازم نجبره
العز يوم هنحرره
موجود ماماتشي
في الجينات
لكنه طبعا له ثمن
وهندفعه من دمنا
غفوة وهنفوق كلنا
وتبقى بينا ذكريات
كل الصراخ ..كل الألم
ع الأمة وضمرها اللى مات
كان أملى فيهم من زمن
وما كانش في الصمت العوض
بكره هنمسك في المدددددد
بدل الشهيد مليون شهيد
من ضهرنا راح يتولد
ياعينى إوعى تدمعى
ولا تركعي من ظلمهم
الوعد مكتوب من زمان
احنا هننصر ربنا ونزيد
ونعلن حزنهم مع ذلهم
إحنا إيمان فيه يقين
مفهوش مجادلة أو فصال
هنخش ونتبر كمان
وهنمشي بين كل الطرق
الحق عمره ماكان جبان
ربك وعد ووعده آت
بس أنت صبرك يكتمل
وابنى عزمتك بالإيمان
بكرة اكيد النصر آت