كلمات الشاعر محمد عبد العزيز رمضان
حلمي أوصل للنجوم
وامسك الحلم بإيديا
وانسى حزني والهموم
والدموع اللي ف عنيا
نفسي اهرب من حياتي
مش هعيش مع زكرياتي
زكريات قاسيه وحزينه
فيها أفراحي وآهاتي
بس رغم كل ده
فيها امي مش ناسيها
حبها ونظرة عنيها
والنهارده مش لاقيها
لما كنت أبكي ألاقي
قلبي بيدور عليها
وفي حنانها نبع غالي
هيا دايما جوا بالي
هيا مرسومه في خيالي
ضعفها فوق احتمالي
وانت يابا مش ناسيك
كنت سندي في الوجود
كنت دايما ابوس ايديك
حبي ليك مالهوش حدود
عمر يابا ماشفت ضعفك
رغم كل اللي انت فيه
رغم تعبك رغم المك
كل ده انا مش ناسيه
كان نفسك أبقى حاجة
كنت عزمي للوصول
قلت يا بني مش فتاكه
لو هتتعب راح تنول
لما بفرح كنت تفرح
كنت تتمنالي اكون
عمر ليا ما كنت تجرح
بعدي عنك كان جنون
ايوه فاكر كل حاجة
فاكر البيت الكبير
ناس بتدخل ناس بتخرج
قلبها صافي وحرير
مش بتكره والا تغدر
عندها حب وضمير