بقلم علي بدر سليمان
ضاع العمر كلو ضاع
والجاي بيبقى أوجاع
عم تتعب تحزن هالروح
والألم زايد وصداع
جوا هالقلب في جروح
في ظلمة قهر ونزاع
عم تبكي الضلوع وتنوح
غرقت مركبنا والشراع
هالمرجيحة فيها نلوح
والناس اختلفت الطباع
فقير بيصرخ وينوح
هالزمن القادم خداع
الظلم بيكبر بجموح
والغدر تصدر وشاع
كسر الخواطر مسموح
والفكر الجامد مطواع
القلب الطيب مفضوح
رخيص بينشرى وينباع
سقطت وانهدمت الصروح
والشر عم كل بقاع