أشعار /عبدالناصر عياط أسيوط
مصر حماها الله بقدرته من قبل حد ما يتولد
وخيرها باقى للزمان فى كل حته بيتوجد
حتى وان مرت ظروف بكرة تعدى وتتنجد
حتى وان ضاقت علينا ربك هيبعت المدد
ربك حارسها من سنين أمس وبكرة وللأبد
مهما كنا عمرها ماتهون علينا نفتديها بالولد
شلت أيادى العابثين لو مرة حاولوا فالهدد
قبرت آلاف المعتدين ، جنة ولادها والسند
حبها فينا ونور عنينا وعايشة جوانا البلد
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
أنا ابن مصر الصامدة وأنت بلادى القاهرة
رمز الأمومة والحنان ،أم الوحوش الكاسرة فاتحة ذراعها للجميع بتمد إيديها ناصرة
وأولادها أسود تفترس كل الأيادى الخاسرة
فيك الأصالة والتاريخ والطبيعة الساحرة
ارض القداسة والسلام هى مصر الطاهرة
فيها تجرى ميه صافية نيل عذب ساقية
فقئت عيون الكارهين والحاسدين الناظرة
عاشت نفوس المخلصين والايادى الداعمة
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
دا أنا المصرى
أنا المصرى ، أنا الأصالة والتاريخ ، أنا العلم
رمز الحضارة والشموخ حرة باقية لا تنهزم
أنا ابن مينا ونسل احمس البطل ، أنا الهرم
ابن الشهامة والرجولة والكل شاهد بالكرم
أنا الشرف أنا الكرامة ، والرخيص إلى العدم
أناا الزارع أنا الصانع أنا أمجادى فى القمم
واللى يفكر يعتدى هندوس عليه تحت القدم
ذكرها ربى والرسول وياما حكى وخط القلم
ادخلوها أمنين بإذن ربى ولا مكان للى ظلم
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠