د/ عمر عبد الجواد عبد العزيز
ينفع كده ....؟؟
بين أسوة برد الشتا
والليل و الهوا و الندي
كان حكم القضا .
ينفع كده ؟؟
الدار .... طردتهم
و الناس تركتهم
الأرض فرشتهم
و السما ليهم غطا .
ينفع كده ...؟؟
ليه يا زمان
ما بقتش زي زمان
ما عدش لك أمان
كلك أسي و حرمان
و حُزن لأبعد مدي .
ينفع كده....
مين يا زمن أساك
و علي الفقير وصاك
في إيدك ماسك عصاك
تكوي ... ظهور الضنا .
ينفع كده ...
الدنيا يا زمن زحمة
ماعدش فيها رحمة
و القلوب صارت فحمة
منين ييجي الهدي ؟؟
ينفع كده ....
الكل دار الظهر ليهم
لا حد ..... حن عليهم
و لا مسؤول حس بيهم
ولا الموت.. راضي ينجيهم
من حكم القضا
ينفع كده....؟؟
★★★★★★★★★★★