بقلمى / عبدالناصر عياط - اسيوط - مصر
تغير المناخ باختصار الإختصار
يعنى زيادة نسب فى الحرارة والبخار
من حرق داير فى مخلفاتنا ليل ونهار
من الزراعة والصناعة والقمامة إنتحار
ودخان طالع للسماء مالوش أى مسار
ونرش مياه محتاجينهاده يكون إهدار
وكشافات نور الكهربا شغالة. بإستمرار
وكثر الكيماويات وباء بتقتل الأزهار
وكثرة الفيريون يقضى على الأعمار
فين النسيم الصافى راح فين الخضار
من غير مزرعة وحديقة إسمه إنهيار
وخلق عايش فيها مقضيها بإستهتار
وربنا خالق الكون حكمته بقدر وأسرار
وإحنا بأيدينا الدنيا رايحة ليه لدمار
أتلفنا فيها ولسه وبقيت أرضنا كفار
مد إيدك فى إيدى نرجع دنيانا العمار
وإزرع يا ولدى بإيدك كل مكان أشجار
نظف مكانك إجعل من إلتزامك إنبهار
فكرك معانا نستفيد من البقايا ؛ إزدهار
تعالوا نغير ونطور أفكارنا برة الأسوار
بالتعاون والإرادة نواجه مليون إعصار
لكن التهاون والتراخى والتخلى إنحدار
تعيش ذليل محتاج والمرض لك إستعمار
بكرة هاتصفا سمانا وتشرق شمس النهار
والله بلدنا جميلة وباقية محمية من الستار